Asturies ye una de les seis CCAA con un crecimientu vexetativu negativu

Asturies foi una de los seis comunidaes autónomes que presentó un crecimientu negativu nel añu 2009, dao que rexistró más fallecimientos que nacimientos.

Asturies ta en  concreto na tercer posición, al rexistrar nel 2009 un total de 8.307 nacencies, frente a 12.774 fallecimientos, colo qu'ofrez un crecimientu vexetativu negativu de -4.467, según los datos publicaos esti martes pol Institutu Nacional d'Estadística.

Cabe destacar que per delantre d'Asturies asitiáronse Galicia, con un saldu negativu de -7.580, y Castiella la Macha (-6.312). Y que tres el Principáu tán a distancia Aragón (-157), Cantabria (-99), y Estremadura (-24).
  
Según estos datos, el pasáu añu la tasa bruta de natalidá asitióse n'Asturies en 7,86 nacencies por cada 1.000 habitantes, la más baxa del país y poro tamién inferior a la media estatal, que s'asitia en 10,73.
  
Amás, la tasa bruta de mortalidá ta en 12,08 fallecimientos por cada 1.000 habitantes n'Asturies, cifra superior al conxuntu del Estáu que ta en 8,35, y nesti casu la mayor de toles comunidaes autónomes.
  
No referente a los matrimonios rexistraos n'Asturies nel 2009, estes celebraciones sumaron 5.087, colo que la tasa bruta de nupcialidá ta en 4,81 por cada mil habitantes, tamién superior a la media estatal asitiada en 3,83 enllaces por cada mil habitantes.