PP confirma que va astenese na votación de la reforma llaboral

Sáenz de Santamaría confirmó que'l PP va astenese esta tarde na sesión pa convalidar el decretu llei de reforma llaboral y que va presentar enmiendes pa meyorar na el proyeutu de llei.

Según esplicó la vocera del Grupu Popular nel Congresu, la so posición básase na coherencia, pero con sentíu críticu. Al so xuiciu, ye necesaria una reforma llaboral pero la presentada pol Gobiernu nun ye la que precisa España. "Precísase una reforma llaboral completa y meditada pa crear empléu y la del Gobiernu nun lu fai", señaló.
  
Sáenz de Santamaría calcó na necesidá de meyorar el decretu del Gobiernu y esplicó, el ministru de Trabayu, Celestino Corbacho, llamó a les once de la nueche d'ayeri al responsable económicu del PP, Cristóbal Montoro, pero non pa negociar, sinón namás "pa interesase pol sentíu de votu del PP".