Un 90% de los participantes nes consultes vota pola independencia

Un 90,12% de los participantes nes consultes soberanistes que s'entamaron esti domingu nuna cincuentena de conceyos de Cataluña espresáronse a favor de la independencia.

Esta ronda de consultes collechó'l máximu númberu de votos a favor del 'non', un 7,67% de los 68.068 votos emitíos. Los responsables de la Coordinadora de les Consultes dieron a conocer estos datos col 88% de los votos escrutaos. Ante los resultaos collechaos -que nun difieren muncho del restu de consultes- destaca'l casu de Cornellà de Llobregat.
  
Nesti conceyu, del que foi alcalde'l presidente de la Generalitat, José Montilla, hubo un 19,58% de votos en contra de la independencia depués de que les asociaciones de vecinos de la ciudá pidieren la participación de la ciudadanía a favor del 'non'.
  
Otros conceyos con un altu porcentaxe de 'nones' fueron L'Albigés (12,9%), Esplugues de Llobregat (11,17%) o La Canonja (10,58%).
  
No referente a la participación, les consultes algamaron l'adhesión del 14% del los casi mediu millón de ciudadanos llamaos a les urnes. Nes anteriores consultes, la participación foi superior a la d'esti domingu, anque entós votaben poblaciones de pequeñu y medianu tamañu, mientres qu'esti domingu votaben grandes ciudaes de la conurbación de Barcelona, como Sant Boi de Llobregat, Cornellà o Sant Feliu, onde CiU y ERC collechen les sos peores resultaos y que son la tenada de votos de PSC, ICV-EUiA y el PP catalán.
  
La escepción que confirma esta regla ye Mataró (Barcelona), ciudá de más de 100.000 habitantes con alcalde socialista y onde la participación raspió casi'l 24%, y onde hubo una intensa campaña mientres les últimes selmanes.
  
Dende la Coordinadora de les Consultes, el diputáu d'ERC Uriel Bertran manifestó que, tres la consulta, van empezar a preparar la recoyida de firmes pa llevar al Parlamentu catalán una iniciativa lexislativa popular pa la convocatoria d'un referéndum independentista. "Vamos intentar algamar un gran númberu de firmes pa facer la recoyida de firmes más importante de la historia de Catalunya", aseguró Bertran.