El PP muestra la so oposición a la esplotación de la mina de Salave

Ovidio Sánchez mostró la so "frontal oposición" a la esplotación de la mina d'oru de Salave (Tapia) pola empresa Dagilev Capital Corp, nueva propietaria de los derechos d'esplotación.

Sánchez realizó estes manifestaciones a los periodistes mientres la visita que realizó esta mañana a les zones del occidente asturianu más afectaes polos inundaciones.

El cabezaleru de los 'populares' asturianos mostróse contrariu a la esplotación de la mina al calificala d'una iniciativa "altamente contaminante" que "rompería" la economía del occidente asturianu "basada nel turismu y el sector servicios".
  
Nesti sen, el PP va plantegar na Xunta Xeneral que la zona la denominen monumentu natural, ente otres iniciatives, pa que la decisión de la esplotación aurífera nun dependa namás de la decisión puntual d'un gobiernu. Coles mesmes, pidió una respuesta contundente contra los intereses de la empresa canadiense per parte del Principáu.