La XE va pidir a Israel el llevantamientu del bloquéu de Gaza

Los ministros d'Asuntos Esteriores de la XE van pidir a Israel el llevantamientu del bloquéu a Gaza pa poner fin a "una situación humanitaria inaceptable", según adelantó Moratinos.

El xefe de la diplomacia española esplicó que la Xunión va reclamar la entrada en Gaza de "tolo necesario", como "mercancíes y materiales", utilizando pa ello "al máximo" los acuerdos precedentes, de manera que la XE puea garantizar la seguridá d'Israel y favorecer que los ciudadanos de Gaza tengan accesu "a tolos materiales, tolos productos y toles mercancíes".

Fontes comunitaries señalaron que los ministros van analizar diversos mecanismos pa reactivar la presencia internacional na zona y favorecer l'abertura de los pasos fronterizos, y que van pidir a les autoridaes israelines ampliar la llista de bienes autorizaos a entrar en Gaza pa que, amás de los artículos de primera necesidá y ayuda humanitaria, puean introducise, por casu, materiales de construcción.
  
"Vamos pidir el llevantamientu del bloquéu", declaró Moratinos a la prensa en poniendo de relieve qu'hai una nueva política hasta nel Gobiernu d'Israel, qu'esti domingu anunció nueves midíes pa eliminar el bloquéu a la franxa. Nesti sen, "confió en que col impulsu" d'España y de la UE cambia "una situación humanitaria inaceptable". "Creo que tamos na buena dirección. Va haber delles conclusiones favorables", dixo Moratinos.

secciones: