El Conceyu de Perpiñán aprueba la cooficialidá del catalán

El Conceyu de Perpiñán aprobó nel plenu d'ayeri la Carta Municipal pola Llingua Catalana, que reconoz la cooficialidá del catalán nesti conceyu del sureste de Francia.

La Carta quier asegurar la presencia de la llingua na la vida pública, garantizar asina la so tresmisión, permitiendo l'usu nes instituciones, na señalización y nos medios de comunicación.

Nel ámbitu educativu fálase de sofitar los centros billingües, amás de desenvolver la formación p'adultos y los emplegaos municipales. La normativa tamién diz que’l Conceyu tien que velar pa que nes guarderíes el catalán tea presente

Perpiñán quier que la Carta s'amplíe a tolos conceyos de la Comundá de l’Aglomeración Perpiñán-Mediterráneu. La ciudá, capital del departamentu de los Pirineos Orientales, tien una población de más de 100.000 habitantes, mientres que nel área metropolitana viven unes 300.000 persones.