‘Camín de Cantares’ graba na Tierra de Miranda

La TPA ta grabando dos capítulos de ‘Camín de Cantares’ na Tierra de Miranda. Los espacios van ser emitíos pela canal asturiana en setiembre, dientro de la sesta temporada.

L’aldea de Constantin va ser l'escenariu d’esos dos capítulos, que van tener como protagonistes a Aureliano Ribeiro, un tamborileru y gaiteru, y a Cármen Pires, que va interpretar cantares tradicionales.

Estos dos episodios van tar inxertos dientro de la sesta temporada de 'Camín de Cantares', que los responsables del programa cuenten con que seya la última. Esta serie documental, inspirada nel Arquivu de la Tradición Oral, quier contribuyir a caltener y tresmitir l'heriedu cultural de los asturianos. Anque nes dos últimes temporaes yá salió fuera del nuesu país p’adentrase per comarques lleoneses que tovía caltienen l’idioma.