Israel reconoz errores na preparación del asaltu a la flota

El viceprimer ministru israelín y ministru d'Asuntos Estratéxicos, Moshe Yaalon, reconoció que se cometieron errores na preparación del asaltu a la flota solidaria.

Mientres un alcuentru con altos cargos del partíu Likud, Yaalon esplicó que "la decisión yera correcta, pero hai marxe pa la meyora", según informó'l periódicu 'Yedioth Ahronoth'.
  
En concreto, referíase a los posibles fallos na "preparación del procedimientu operativu estándar", anque nun dio más detalles al respeuto. Los altos cargos israelinos mostráronse cautos nes sos valoraciones del asaltu, mui criticáu pola comunidá internacional, que na so amplia mayoría pidió una reducción del bloquéu impuestu sobre la Franxa, controlada pola milicia palestina Hamás.