La Rolda 2010 va falar de fútbol y lliteratura

El miércoles 9 de xunu, na Sala Conferencies del Centru de Cultura Antiguu Institutu de Xixón, y a les 19,30 hores, entamará una actividá de la Rolda 2010 titulada ‘Fútbol y lliteratura’.

Nella participarán l'escritor xixonés Vicente García Oliva, que publicó un llibru xuvenil venceyáu al mundu del fútbol ‘¡Alabín, bon, ban…!'. Amás, tamién tarán los futbolistes José Antonio Pérez Boudón (guardamenta), José Manuel Espinosa Gómez (defensa) y Eloy José Olaya Prendes (delanteru), amás d'Humberto Gonzali (coordinador de L'Arribada). Los asistentes recibirán un exemplar de ‘El pallabreru del fútbol’ qu'editó la Oficina Municipal de la Llingua de Xixón.