El Parlamentu alcuerda rebaxar los xornales de los diputaos

|

La Xunta de Voceros de la Xunta Xeneral del Principáu aprobó nel so aconceyamientu de güei la reducción de les retribuciones de los diputaos.

Asina, tomaron como referencia cuantitativa l'alcuerdu algamáu na Federación Española de Conceyos y Provincies en rellación col amenorgamientu de xornales de cargos electos, puesto que les percepciones de los diputaos del Parlamentu asturianu muévense nes franxes contemplaes en dichu acuerdu.
  
Según informó'l Parllamentu asturianu, los porcentaxes d'amenorgamientu van ser del 8% nel casu de la presidenta de la Cámara; del 7% pa los diputaos, voceros y miembros de la mesa con dedicación absoluta; del 6% pa los miembros de la Mesa sin dedicación absoluta y del 4,5% pa los diputaos ensin dedicación absoluta.
  
D'esta manera la Presidenta va pasar de cobrar 4.309 euros al mes a percibir 3.964 euros; nel casu de los diputaos con dedicación absoluta, el sueldu pasa de los 2.980 euros a los 2.772 al mes; de 3.663 a 3.406 nel casu de voceros y miembros de la mesa y de 933 a los 891 nel casu de los diputaos ensin dedicación absoluta.
  
Amás, na extra d'avientu del 2010, que ye equivalente a una mensualidá, va aplicase una reducción del 30%. L'aforru total estimáu con esta reducción pal periodu entendíu ente'l 1 de xunu y el 31 d'avientu del 2010 ye de 89.015,76 euros, lo que supón una reducción n'asignaciones del 10,49%. Dichu acuerdu va empezar a aplicase esti mes de xunu.

Contador Estadistiques