Denuncien a la Junta por incumplir la Carta Europea de les Llingües

El Conseyu d'Europa vien de recibir un informe nel que se denuncia l'incumplimientu total de la Carta Europea de les Llingües Rexonales pola Xunta de Castiella y Lleón.

Según recueye güei ‘Diario de León’ y como yá avanzara Nicolas Bartolomé Pérez n’Asturies.com, les asociaciones El Teixu, La Caleya, Furmientu y Facendera pola Llingua, ellaboraron y unviaron un informe a la Secretaría pa la Carta Europea de les Llingües Rexonales, dependiente del Conseyu d'Europa.

Nesi documentude más de cien páxines, afirmen que magar que l’artículu 5.2 del Estatutu d'Autonomía de Castiella y Lleón diz que'l lleonés va ser oxetu de proteición, usu y promoción, l’Alministración autonómica rescampla pola falta d'iniciatives nesi sen.

Del mesmu mou, recuerden qu’al recoyese nel Estatutu la proteición del idioma, el Gobiernu ta obligáu a cumplir cola Carta Europea de les Llingües. Tamién recuerden los pidimientos del Procurador del Común, el defensor del pueblu castellano-lleonés, pidiendo desendolcar l’artículu 5.2. Pidimientos que nun recibieron respuesta dende Valladolid.