El reciclaxe xeneraría menos residuos que la incineradora

Dende’l Consorciu Cívicu afirmen que cumpliendo col reciclaxe, habría unes 100.000 tonelaes añales de residuos, “mientres la incineradora va xeneral más de 135.000”.

El Consorciu camienta que ye un engañu presentar la incineradora como solución al vertideru, “cuando trai ineludiblemente disponer d'un depositu de escories y povises tóxiques y peligroses”.

Asina, afirmen que’l respetu a la xerarquía nel orde de prioridaes de xestión y el cumplimientu de los oxetivos de reciclaxe y compostaxe establecíos na llexislación vixente, implicaría la recuperación y aprovechamientu, como media, de más de 300.000 tonelaes añales de materies primes conteníes nes borrafes domiciliaries, frente a la prevista incineración de 450.000 tonelaes.  

Tamién recuerden que la incineración supón riesgos pa la salú pública, impautu sobre'l mediu ambiente, costos económicos y enorme cantidá de recursos y materies primes desaniciaes.

Poro, faen un llamáu en sofitu de la concentración prevista pal 6 de xunu, a les 12,30 hores, na Plaza del Náuticu de Xixón, convocada pol  Conceyu Escontra de la Incineración y la Plataforma de Ganaderos y Afeutaos pola Incineradora.