El desemplegu baxa un 4,02% en mayu n'Asturies

El númberu de paraos rexistraos nel Inem n'Asturies al términu de mayu baxó a 79.397, lo que supón una reducción de 3.325 persones sobre abril del 2010.

En términos relativos, el descensu del paru nel mes de mayu n'Asturies foi del 4,02 por cientu sobre'l mes d'abril, ún de los más altos del Estáu. En términos interañales, nos últimos doce meses, el paru creció un 9,03 por cientu.
 
Por sectores, el paru baxó en Servicios en 2.194 persones, siguíu de la Construcción, que se reduxo en 539 persones, Industria (-362) nel colectivu Sin Empléu Anterior (-208) y n'agricultura (-22).
 
No que se refier al paru masculín, ésti quedó n'Asturies en 37.181 persones, mientres que'l femenín algamó un total de 42.216 persones. En cuanto al paru rexistráu nos estranxeros nel Principáu mientres el mes de mayu quedó en 5.566 persones.
 
Mientres tanto, el númberu total de contratos n'Asturies subió en relación al mes anterior en 842 (un 3,94 por cientu más), asitiándose en 22.206 contratos totales. N'España la contratación nel mes anterior subió un 9,61 por cientu.
 
Nel conxuntu del país el númberu de paraos rexistraos nes oficines de los servicios públicos d'empléu (antiguu Inem) baxó en 76.223 persones en mayu, un 1,84% al respecto d'abril, colo que'l volume total de paraos asitióse en 4.066.202 persones.