Alcuentros nel Arcu Atlánticu

El martes 1 de xunu nel Atenéu de La Calzada, entamen los Alcuentros Nel Arcu Atlanticu, onde caben los distintos elementos de la cultura tradicional asturiana y de tol arcu atánticu.

Esta actividá, organizada pola agrupación Los Xustos, ye una amestadura de mitoloxía, lleendes, rellatos, dances, música ya historia. Cada añu los conteníos y actividaes que desarrollen en cada alcuentru van cambiando y nesta ocación lleven el nome de ‘Ciegu Mendicante’.

El programa de la xornada, qu’entama a les 19.30 hores, tien dos partes. La primera ‘Siglos XVIII y XIX’, con cinco pareyes de bailladores de Xixón, cinco moces cantadores y la Orquestina del Arcu, un conxuntu musical que ta formau por xente vincula al mundu del folk que toquen, diferentes instrumentos que se empleguen pal folk atlánticu.

La segunda parte, ‘Lo Tradicional’, cuenta con Carlos Alba nel papel de Ciegu Mendicante y van interpretar delles pieces musicales como la ‘Xota Lleitariegos’, ‘Rumba d’Ibias’, ‘Carretera d’Avilés’ o ‘Soi asturianina’. Un conciertu de Carlos Rubiera cola collaboración de la Orquestina y les cantadores pondrán pieslle a la xornada.