El TC refuga declarase incompetente

El Plenu del Constitucional dictó güei ocho providencies refugando declarase incompetente pa dictar sentencia sobro l'Estatut, como-y solicitó Generalitat y Parlament.

En diches providencies señálase que "nun han solicitase" en cumplimientu del artículu 17.2 de la Llei Orgánica que regula'l funcionamientu del Tribunal Consitucional, que señala que los sos maxistraos "van siguir nel exerciciu de les sos funciones hasta que tomaren posesión los qu'hubieren d'asocedelos".

Según informaron a Europa Press fontes del altu tribunal, dictaron ocho providencies porque l'escritu de la Generalitat, que llegó ayeri, referíase namás al recursu d'inconstitucionalidá interpuestu pol PP; mientres que'l que llegó esta mesma mañana procedente del Parllamentu de Cataluña solicitaba la declaración d'incompetencia de los maxistraos sobre los ocho recursos interpuestos contra la norma estatutaria (pol PP, el Defensor del Pueblu y poles comunidaes autónomes d'Aragón, Murcia, La Rioxa, Baleares y Valencia).
  
Según l'escritu del Parllamentu catalán, redactáu polos sos diez lletraos la situación actual del altu tribunal "podría hasta llegar a calificase como irregular o viciada", puesto que se vulneren los principios d'independencia y imparcialidá que tienen de guiar la so actuación.
  
L'escritu indicaba que la so solicitú d'incompetencia "nun ye una táctica dilatoria del procedimientu", y ve anómala l'actual composición del Tribunal, con cuatro miembros con mandáu prorrogáu dende'l 2007 y dos vacantes, una por muerte y otra por recusación.
  
"Les condiciones qu'aseguren la independencia y imparcialidá del TC viéronse afectaes gravemente. La capacidá de xulgar oxetivamente resultó menospreciada", argumenta'l testu, que considera que l'Altu Tribunal tien d'evitar cualquier sospecha na so actuación siendo escrupulosu al máximu.
  
La esistencia de 'bloques' -"lo cual paez confirmase cuando l'alliniación d'unos maxistraos con otros repítese davezu, seya como seya la cuestión sometida a la so consideranza"- nun ye lóxica, según la cámara, y podría inducir a pensar qu'esisten criterios extraxurídicos nestes actuaciones, algo que'l TC tien d'evitar.
  
Tamién tendríen de ponese llendes a les filtraciones, puesto que les sos deliberaciones tienen que ser secretes, polo que'l so espardimientu proyecta a la opinión pública la imaxe d'un Altu Tribunal "marcada pola politización, cola consiguiente perda de confianza ciudadana", añadíase.