Asturies apuesta pol turismu 2.0 como ferramienta de promoción

La Sociedá Rexonal de Turismu va presentase nel mercáu canadiense al traviés de la web 2.0, asina collaboró nel viaxe que la periodista Susanne Pacher ta realizando per Asturies.

Dende'l llunes y hasta’l próximu domingu, la periodista ta recoyendo información pa la so web, www.travelandtransitions.com, que recibe más de 50.000 visites mensuales y que foi galardonáu como'l meyor portal canadiense de viaxes pocu convencionales y de relaciones tresculturales.

Como resultáu del viaxe, Susanne Pacher va crear dellos artículos y conteníos multimedia que va incluyir nel so portal de viaxes. Percorríos en bicicleta pela Sienda del Osu, descensos en canoa pel ríu Seya, trekking en Picos d'Europa, visites a les ciudaes y percorríos poles localidaes costeres de Llastres, Ribeseya y Llanes son dalgunes de les actividaes que se van ver reflexaes nun portal de viaxes.

Tou ello, sumáu al fechu de qu'esti portal constituyóse en sociu collaborador de la canal de viaxes de Youtube -con una canal propia que tien una media d'ente 150.000 y 200.000 visites-, asina como la so presencia nes principales redes sociales (Twitter, Facebook, MySpace, etc.), garantiza l'espardimientu del de los recursos turísticos asturianos nel mercáu anglosaxón.