El 73% de los asturianos afirma separar envases

El 73% de los asturianos afirma separar envases lixeros -envases de plásticu, llates y briks- na so casa, esto ye, toos aquéllos que se depositen nel contenedor mariellu.

Coles mesmes, siete de cada diez asturianos (78%) declaren separar envases de cartón y papel nel contenedor azul pa facilitar el so posterior recicláu, según revela l'Informe Monitor sobre Separación y Reciclaxe de Residuos nel 2009 d'Ecoembes.
  
El mesmu informe destaca que, por sexos, les asturianes tán más concenciaes que los asturianos. Asina, el 75% de les muyeres manifiesten que reciclen la bolsa mariella frente al 71% de los homes.
  
L'estudiu revela tamién que los asturianos mayores de 45 años son los que más participen nel llabor de separar los envases en casa. Asina, el 75% d'ellos aseguren que lo realicen, siguío del 74% de los asturianos d'ente 35 y 44 años y del 70% de los menores de 35 años.
  
Polo xeneral, los datos del estudiu muestren que la sociedá asturiana ta cada vez más concenciada cola recuperación y el reciclaxe d'envases y cometer menos errores a la hora de reciclar na so casa.
  
Por tipos d'envases, el 74% de los asturianos identifica los briks como residuos a depositar nel contenedor mariellu, el 79% los envases de plásticu y el 70% les llates o envases de metal. Al respecto de los envases de cartón, el 83% conoz que'l so destín ye'l contenedor azul.
  
Ente les motivaciones que mueven a los ciudadanos a la de hora de separar residuos d'envases na so casa, un 66% afirma que lo fai pa "curiar el mediu ambiente", el 31% afirma que separa pa "facilitar el reciclaxe posterior de los residuos" y un 12% asegura que "ye un deber ciudadanu".
  
Otra manera, ante la entruga de "por qué nun separen envases na so casa", el 23% esplica que "nun dispón d'espaciu", el 19% asegura que "el contenedor ta bien lloñe" y un 16% manifiesta que "nun hai recoyida pa esos residuos".
  
Los ciudadanos entrevistaos espliquen que'l reciclaxe ye algo habitual nel so día a día y que cada vez participen en mayor midida. Asina, el 45% de los asturianos afirmen que realicen ente 6 y 9 separaciones de residuos nes sos cases, asina como los que se xeneren nes sos cases.