Montilla pide que'l Senáu reactive urxentemente la renovación del TC

José Montilla reclamó al Senáu que reactive "con calter d'urxencia" la renovación de los cuatro maxistraos del Tribunal Constitucional que'l so mandatu caducó n'avientu del 2007.

Na so comparecencia ante la Comisión Xeneral de Comunidaes Autónomes del Senáu, Montilla defendió que'l Tribunal Constitucional "fracasó" nel so oxetivu de dictar sentencia sobre l'Estatut de Cataluña y aseguró que ta "perdíu nun llaberintu" al qu'amás "sería posible qu'acabare llastrando al conxuntu del país".

El presidente catalán esplicó que dende Cataluña nun se pide que se cambien les regles del xuegu pa la renovación del altu tribunal, sinón simplemente "que se cumplan" y se tengan en cuenta les propuestes de candidatos que remitieron toles comunidaes autónomes.
  
"Ta en xuegu que la desafección torne en fonda frustración y puea dar argumentos a aquéllos que quieren proceder la rotura -alvirtió-. Ta en xuegu'l sen del algame del propiu pactu constitucional, cuando en nome de la Constitución pretende revertise el so espíritu". Montilla fixo'l so discursu en catalán, anque tamién faló en castelán, vascu y gallegu.