Abatíu un exemplar de llobu na sierra de Cuovallagar

La Guardería de Mediu Natural de la Conseyería de Mediu Ambiente abatió un llobu na sierra de Cuovallagar, que llinda los conceyos de Proaza, Teberga y Yernes y Tameza.

Trátase d'una de les actuaciones enmarcaes nel vixente Programa Añal de Control de la población de llobu, que contempla la retirada de 33 exemplares en toa Asturies ente los años 2009 y 2010. El númberu d'exemplares determínase atendiendo a la población de llobu en cada zona y al númberu de daños o baxes producíes nes cabanes ganaderes.

Asturies ta dixebrada en siete zones, dientro de les que se realicen controles de población de cánidos. L'exemplar abatíu na tarde d'ayeri correspuende a la denominada zona cuatro o centroccidental, que comprende los conceyos de Proaza, Teberga, Yernes y Tameza, Balmonte y Somiedu. Nesta área abatieron hasta'l momentu cuatro cánidos, de los ocho que ta previstu.