La Xunta de Galicia retira la consulta a los padres sobre la llingua

El presidente de la Xunta, Alberto Núñez Feijóo, anunció que'l decretu del plurillingüismu na enseñanza nun va incluyir la consulta a los padres nes etapes de Primaria y Secundaria.

Sicasí, prometió qu'ésta va ser posible "primero qu'acabe la llexislatura", puesto que'l Gobiernu gallegu va promover una llei que "garantice" la participación de los padres na educación.
  
"Queremos democratizar l'Alministración educativa y que la participación de los padres tenga apoyu llegal", defendió Feijóo na rueda prensa posterior al Consello de la Xunta, qu'aprobó'l nuevu decretu del idioma na enseñanza, que va entrar en vixencia'l cursu 2010-2011, y que va sustituyir a la del 2007 qu'aprobara'l bipartitu.
  
La Xunta, esplicó, retira la consulta en Primaria y Secundaria per "falta de cobertoria llegal", dempués de qu'el Consello Consultivu dictaminare que podría frayar preceptos constitucionales y alertare de nicios d'illegalidá. Sicasí, Feijóo alvirtió que "hai xurisprudencia" -en referencia al Tribunal Supremu y al Tribunal Superior de Xusticia de Cataluña- que "avala" la consulta a los proxenitores n'Educación Infantil, de manera qu'éstos pronunciarán cada añu sobre la llingua materna de los alumnos.