Los sindicatos retrasen la fuelga nel sector públicu
|
17 Mayu, 2010 por E.P. / Redacción
- Inicie sesión o rexístrese pa espublizar comentarios
La fuelga prevista nel sector públicu pal 2 de xunu retrasóse hasta'l día 8 del mesmu mes, tres una xunta caltenida esti llunes por representantes de CCOO, UXT y CSI-CSIF.
Los sindicatos, que siguen axuntaos a estes hores, retrasaron seis díes la fuelga cola que van facer visible la so oposición a la decisión del Gobiernu de rebaxar nun 5% de media'l xornal de los funcionarios.
Esta tarde, los sindicatos UXT y CC.OO. tienen previsto caltener dos xuntes internes p'analizar el paquete de midíes d'axuste aprobáu pol Gobiernu la pasada selmana.
La organización liderada por Cándido Méndez va reunire al so Conseyu Confederal a partir de les 16.30 de la tarde, mientres que la Comisión Executiva de CC.OO. va facelo a partir de les 17.00 de la tarde.
Efrén d'Andrés
