15.000 persones esixen en Pamplona’l derechu a vivir en vascu

15.000 persones según la Policía Municipal, percorrieron ayeri Pamplona baxu’l lema ‘Nafarroan euskera bizitzeko eskubidea’ (Derechu a vivir en vascu en Navarra).

Según los convocantes, Kontseilua (Conseyu de los Organismos Sociales del Vascu) foi la mayor manifestación en favor del vascu que se fixo nunca en Navarra. Paul Bilbao, secretariu xeneral de la organización, lleó’l comunicáu onde esixó un estatus xurídicu afayadizu pal vascu, “pues atenta contra'l principiu d'igualdá reconocer a los ciudadanos distintos derechos y obligaciones", esplicó. Poro, demandó la oficialidá en tol territoriu y la obligación de la so conocencia p'algamar la so universalización.

Dende la organización convocante, pidieron reformar el sistema educativu foral "pa garantizar que les futures xeneraciones seyan vascofalantes", tamién aumentar les partíes presupuestaries p'actividaes culturales y d'ociu en vascu, l’usu de la llingua na Alministración foral, nel ámbitu socio-económicu, na Universidá, na Formación Profesional, y nos medios de comunicación.