La Xunta de Galicia quier que'l Papa fale gallegu

El Secretariu Xeneral de Política Llingüística gallegu, Anxo Lorenzo, propúnxo-y al Arzobispu de Santiago que’l Papa faiga usu del gallegu mientres la so visita a Galicia.

Benedictu XVI va visitar Santiago de Compostela en setiembre, cola sida del Añu Santu Xacobéu. Poro, Anxo Lorenzo tresmitió-y a Julián Barrio, Arzobispu de Santiago, la importancia d'incluyir el gallegu en celebraciones como la Misa del Peregrín, pa lo cual el responsable de Política Llingüística ufiertó-y al representante relixosu asesoramientu llingüísticu pa facilitar l'usu del gallegu nes mises ya iniciatives como la web del Arzobispáu.

Anxo Lorenzo dixo que les celebraciones relixoses yeran una bona manera de compartir colos peregrinos de fuera de Galicia una de les mayores bayures de la Comunidá, amás comentó que la visita del Papa a Santiago ye una oportunidá pa ponela en valir. Mientres, l’Arzobispu amosó'l so interés por fomentar l'usu de la llingua gallega nes celebraciones relixoses y l'actividá eclesiástica de la Catedral con motivu del Añu Santu.