Un institutu reclama la enseñanza del aragonés

Profesores y alumnos d’un institutu de Tarazona (Zaragoza), pidieron que’l so centru ufierte l’asignatura d’aragones, a pesar de tar fuera de la zona aragonesofalante.

La idea surdió de dellos alumnos y profesores tres una charra sobro la llingua aragonesa. Asina, presentaron una solicitú a la conseyera d'Educación pa que se incluya l'asignatura optativa d’aragonés nel sistema educativu aragonés y especialmente nel so institutu.

Los profesores encargáronse de xuntar les firmes de los alumnos que queríen sofitar esta iniciativa, recoyendo 309 sofitos d’alumnos, d'un total de 700 (el 44%), y 28 de profesores, d'un total de 79 (el 35%). La solicitú presentóse'l 22 d'abril nel rexistru de Tarazona y nel so testu fai referencia a la Llei de Llingües, aprobada poles Cortes d’Aragón n’avientu del añu pasáu.

Los promotores de la iniciativa básanse, principalmente, nel puntu k del artículu 20 que preve la enseñanza optativa nun territoriu que nun seya d'usu predominante d’aragones si la demanda ye abonda. No que cinca a la educación, la Llei de Llingües d’Aragón, prevé l’enseñu curricular de les llingües propies de xeitu voluntariu, faciéndose efeutivu enantes del cursu 2011/2012.