Mediu Ambiente va abater dos llobos
|
13 Mayu, 2010 por Damián Barreiro
- Inicie sesión o rexístrese pa espublizar comentarios
La Conseyería de Mediu Ambiente va abater dos llobos en Ponga, al traviés d’esti “dispositivu de calter escepcional” contempláu nel Plan del Llobu, va controlase la población.
L'actuación, que se va llevar a cabu de forma inmediata, va ser realizada polos técnicos de la Guardería una vegada que les condiciones meteorolóxiques seyan favorables pal desenvolvimientu de los controles.
Esta midida respuende a la escepcionalidá que contempla'l Plan de Xestión del Llobu, cuando nuna zona hai un númberu considerable de daños en ganaderíes, que xenera especial malestar ente los habitantes del territoriu.
L'oxetivu actual ye, poro, abater tres exemplares más de los qu'apaecen recoyíos nel Plan de Xestión del Llobu pa la zona Centro-Oriental. Hasta agora yá s'acabó con un exemplar y, agora, col nuevu dipositivu, pretenden abatese otros dos cánidos.
Efrén d'Andrés
Comentarios
Nun se que van consiguir abatiendo solo 2 llobos. A principios d'esti añu tuvi en Ponga y aquello ta esquilmao. Nun queden ni xabalinos, ni corzos, hay restos de cabres y oveyes nos praos y lo único con vida que pudo vese foron rebecos que aguanten ente les peñes.