Israel va valtar numberosos edificios de colonos en Cixordania

|

Les autoridaes israelines van valtar edificios llevantaos illegalmente por colonos xudíos en 46 puntos de Cixordania, puesto que se construyeron saltando la normativa.

L'oxetivu ye que posible retomar les conversaciones de paz ente israelines y palestinos. Según documentación a la que tuvo accesu'l diariu israelín 'Haaretz', les autoridaes entamen valtar edificios llevantaos en 46 puntos de Cixordania, incluyida una escuela talmúdica nel asentamientu de Yitzhar, asitiáu nel norte de dichu territoriu.

Una fonte de les fuerces de seguridá citada pol diariu israelín señala que dichos derribos van producise nun futuru próximu, de manera que quede claru'l compromisu d'Israel de retomar les conversaciones de paz colos palestinos, bloquiaes dende avientu del 2008 por cuenta de la ofensiva israelina contra la Fazaa de Gaza, que dexó un saldo d'unos 1.300 palestinos muertos.
  
La execución d'estos derribos ye un asuntu mui sensible n'Israel, y que remontó a los sectores ultraortodoxos y derechistes del país, puesto que son los sos miembros los que suelen habitar estes zones. Asina, por casu, el pasáu domingu un parllamentariu d'un partíu ultraderechista israelín amenazó a les autoridaes con "un bañu de sangre" en casu de que les autoridaes valtaren la escuela talmúdica de Yitzhar.
  
Les autoridaes israelines, sicasí, alvirtieron que les ordes de derribu van efeutuase pese a cualquier oposición. Sicasí, tovía nun s'especificó en qué fecha concreta van realizase, y que va depender de dellos factores.

Contador Estadistiques