Creen una plataforma d'editores de prensa de llingües ensin estáu

L'Asociación Catalana de Prensa Comarcal (ACPC) va crear la Plataforma Fórum Barcelona pa editores europeos de prensa en llingües non estatales, minorizaes y minoritaries.

L'ACPC presentó esta iniciativa mientres l'asamblea xeneral de l'Asociación en Llingües Minoritaries y Rexonal celebrada en Vilnius (Lituania), onde s'atoparon editores pertenecientes a distintos países que publiquen periódicos nuna llingua distinta a la del estáu.
  
Según datos de l'asociación, más de 45 millones de persones de la Unión Europea (UE) falen llingües distintes a les del estáu nel que residen, polo qu'esta plataforma pretende construyir un 'lobby' que defenda a los sos editores ante les instituciones.