El Puertu de Xixón pierde un 6,5 por cientu de los sos tráficos nel 2008

|

El Puertu de Xixón movió 19,20 millones de tonelaes métriques nel 2008, lo que supón un 6,49 por cientu menos que nel exerciciu anterior, según informó l'Autoridá Portuaria al traviés d'una nota prensa.

En cuanto al análisis por tipu de mercancía, el movimientu de graneles llíquidos demientres el mes d'avientu ascendió a 120.940 tonelaes y nel acumuláu añal, s'algamaron les 1.431.917 tonelaes métriques.

El movimientu de granales sólidos n'avientu foi de 884.890 tonelaes métriques. En total 2008 s'elevó a les 16.869.639 tonelaes métriques.

En cuanto a mercancía xeneral, el mes d'avientu del 2008 foi de 85.489 tonales. Nel acumuláu añal, s'algamó les 904.035 tonelaes métriques; un 18,34% más que l'exerciciu anterior.

De la mercancía xeneral en contenedores, se movió 1.969 TEU. Si s'analicen les tonales movíes en contenedor, se movieron n'avientu 38.626 tonelaes métriques.

Nel acumuláu añal de la mercancía xeneral contenerizada, s'algamaron les 330.051 tonelaes métriques; un 89,45% más que l'exerciciu anterior; en TEU, se movieron 26.110, un 88,53% más que l'exerciciu anterior.

Contador Estadistiques