Alvierten que la contaminación ye la primer razón del asma

La Coordinadora Ecoloxista d'Asturies diz que la contaminación industrial ye la principal razón de que n'Asturies haya más de 10.000 persones que sufran la enfermedá d'asma.

N'Asturies toles poblaciones tienen medies de contaminación superiores al valor encamentáu pola Organización Mundial de la Salú (OMS) y supérense los 35 díes nos casos d'Avilés  (322 díes al añu) Llugones (168 díes) Uviéu (130 díes), Xixón (104 díes), Llangréu (54 díes), Mieres (52 díes), señaló la coordinadora ecoloxista.

Esta reconocencia de los profesionales de la salú (neumólogos), vien unida a los datos rexistraos nes estaciones de control de la contaminación que revelen que la calidá del aire ye un problema de primer magnitú.
  
Según los ecoloxistes, "asistimos a una situación desaxeradamente negativa que nun tien visos de meyorar a cortu plazu, viendo les amenaces de más instalaciones contaminantes previstes na proximidá d'entornos urbanos, la peligrosísima súper-incineradora de Coxersa, siete nuevos grupos Térmicos de gas (ún Soto Ribera, Pereda, dos Nubleo, dos nel Musel, y dos en Llangréu)".