“El programa de la Selmana de les Lletres ye bien probetayu”

|
El voceru de la XPDLA, Carlos Pulgar, calificó’l programa de Cultura pa celebrar la Selmana de les Lletres como probetayu, “hai casi más actividaes nel Día de les Lletres nel Esterior”.
El voceru de la Xunta Pola Defenda de la Llingua foi entrugáu polos nuesos llectores d’estes y otres cestiones al traviés del nuevu videochat d’Asturies.com.

Carlos Pulgar faló de les actividaes qu’empobina l’asocición, como la campaña de Doi la Cara, la de mailing a la RTPA, sobre la qu’afirmó que se sumaran dellos miles de persones, o del propiu Conciertu pola Oficialidá, que calificó como un “ésitu nesta época de crisis” con más de 3.000 persones.

Sobre’l nomamientu d’un nuevu acádemicu d’orixe lleonés, Nicolas Bartolomé Pérez, señaló que toles persones que lluchen pola llingua y la cultura tienen que tener el so sitiu n’Academia, “amás que seya de Lleón ye importante pa que la xente tome conciencia de la estensión del dominiu llingüísticu

Entrugáu sobre cuál de los dos partíos mayoritarios ye meyor o peor pal idioma dixo que “ye como entrugar si ye peor la peste o el cólera, los dos grandes partíos nun fixeron gran cosa pol idioma y los sos falantes”. Anque apuntó que nos conceyos onde gobierna’l PSOE en colación con otru partíu faen campañes de normalización, “mientres que nos conceyos onde gobierna’l PP nun se fai nada”.

Pulgar afirmó que mentes la mayoría de diputaos de la Xunta Xeneral seyan del PP y del PSOE va ser difícil algamar la oficialidá, “pero hai que mantener la reivindicación pa cambiar la so mentalidá y mesmamente cambialos a ellos como diputaos”.

 

 

Contador Estadistiques