El PAS sofita la candidatura a capital cultural d’Uviéu

Sánchez Vicente, presidente del PAS, sofita la candidatura d’Uviéu a Capital de la Cultura, anque amuesa’l so malestar cola mala xestión “que dexa mui poques posibilidaes”.

“Sofito la candidatura d'Uviéu, porque yo nun tengo más patria nin más compromisu qu'Asturies. Y animo a tolos asturianos que lo faigan porque nada que sea en beneficiu y honra d'Asturies tien que senos ayeno”, apuntó Xuan Xosé Sánchez Vicente.
 
Al presidente de la formación asturianista, nun-y paecieron bien munches coses y diz que tien munches duldes sobre la candidatura, “pero si hai posibilidaes de que suene la chifla, que nun dexe de facelo pol mio xiplíu”.