Martín diz que nun esiste unanimidá sobre la incineradora

La conseyera de Bienestar Social y Vivienda, Noemí Martín, manifestó güei que "nun esiste una posición unánime sobre la construcción de la incineradora de Serín nel Gobiernu".

"El conseyeru de Mediu Ambiente, Ordenación del Territoriu y Infraestructures, Francisco González Buendía, ta xugando'l so papel", añadió la conseyera.
  
Noemí Martín realizó estes manifestaciones a los periodistes mientres la inauguración de les xornaes 'L'Atención a la Discapacidá na Universidá' que se tán desarrollando nel edificiu Históricu de la Universidá d'Uviéu.
  
La conseyera sorrayó que les posiciones sobre la incineradora del PSOE y del PP, a favor, asina como la mantenida dende lo primero por IU-BA-Verdes, en contra, "tán clares" y por ello señaló que la coalición va presentar una Llei de Tratamientu de Residuos. "Lo que ta claro ye qu'IU-BA-LV tien cuatro diputaos na Xunta Xeneral que discrepen del restu (PSOE y PP)", añadió.