Ribesella homenaxará al escritor Antonio Martínez Cuétara

La Selmana de les Lletres de Ribesella, del 30 d'abril al 6 de mayu, homenaxará la figura d'Antonio Martínez Cuétara, cola representanción d'un fragmentu de 'El tenoriu asturianu'.

Según informó l'Ayuntamientu, entamarán una serie d'actividaes enmarcaes no que va ser la III Selmana Ribesellana de Les Lletres que va valir como homenaxe a tolos qu'escribieron y escriben na llingua Asturiana, y a los que faen usu d'ella a diario.

Na programación d'esta III edición, va dedicase un día a conocer y poner en valor la figura del escritor ribesellanu nacíu en Xuncu, Antonio Martínez Cuétara, pente medies de la representación d'un fragmentu de la obra 'El tenoriu Asturianu' al cargu d'alumnos del IES Avelina Cerra. La obra será'l martes 4 de mayu a les 18.00 hores.
  
Otres actividaes programaes serán, el 5 de mayu, la entrega de los premios del III Premiu Arbidel de Cuentos Eróticos, una charra de Softastur sobre'l nuevu software llibre n'asturianu (el vienres, 30), con una xornada d'instalación gratis al día siguiente, y una conferencia sobre l'escritor homenaxáu a cargu de Laura Solís, el xueves 6.