Cascos diz qu'apoyó Santander cuando nun esistía Uviéu

|

Álvarez-Cascos dixo que dio'l so apoyu a la candidatura de Santander a Capital Cultural Europea nel 2016, por pidimientu espresu del so alcalde, pero cuando tovía nun esistía d'Uviéu.

Según l'ex vicepresidente del Gobiernu y ex ministru de Fomentu, daquella esistía una "pandorgada", n'alusión a la candidatura promovida nel so día pol Principáu qu'incluyía a les ciudaes d'Uviéu, Xixón, y Avilés. Esta "pandorgada", según Cascos "incumplía la normativa de capitalidá cultural europea".
 
Cascos realizó estes declaraciones a Europa Press, una vez que tescendiere que'l so nome apaecía na llista d'apoyos a la candidatura de Santander. L'ex ministru de Fomentu calcó en que foi nun momentu en que la candidatura conxunta de tres ciudaes, agora yá malograda, "nun tenía nada detrás nin siquier una páxina web", y que taba "orquestada" pol Gobiernu del Principáu d'Asturies pa facer "mera propaganda" y "repartir proyectos ente amigos", algo que, según Cascos, yá denunció públicamente de forma acertada l'alcalde d'Uviéu, Gabino de Lorenzo.
 
A xuiciu de Cascos, el primer edil uvieín "punxo nel so sitiu les coses" y desmontó el "tingláu autonómicu". Cascos referíase asina a les crítiques de De Lorenzo a la candidatura autonómica y la posterior decisión de presentar una candidatura propia.
 
"Nun tengo que demostrar apoyu a Uviéu porque lo di y voi siguir dándolu siempre que se me pida", afirmó l'ex ministru. Y punxo como exemplu'l "recorte" del Plan del Prerrománicu, con recursos del 1 por cientu cultural del Ministeriu de Fomentu, "qu'otros desmantelaron nos últimos seis años, como tantes otres coses n'Asturies".
 
A lo último, Cascos calificó de "cizañera" la xestación de la información sobre la so vinculación cola Candidatura de Santander y indicó que los medios de comunicación que publicaron la noticia "nun se molestaron" en consulta-y.

 

Comentarios

Seria  meyor que, falara de los llatigazos que, dio  el so pa ...A los asturianos que, non yeren facistes como elli. Munchos foron y non se escaecen.
Meyor seria que, metiera la so llingua en otru furacu!!!

Contador Estadistiques