Suburbia Ediciones edita 'Mio ma, la pirata' d'Iris Díaz Trancho

Suburbia inagura la so colección de lliteratura infantil ‘camín de Bree’ col títulu, ‘Mio ma, la pirata’, de la escritora Iris Díaz Trancho y cola collaboración de la ilustradora Gloria Caamaño.

Como'l títulu indica ‘Mio ma, la pirata’, ye una hestoria de pirates anque atípica: Barba Negra lleva un restaurante y Barba Roxa ye xastre. La ma del nenu protagonista sigue surcando los mares buscando barcos que prindar y ayalgues escondíes. Con ayuda de la perra Pulga entamen un viaxe a Madagascar en busca del mayor tesoru de toos.

Iris Díaz Trancho (Xixón, 1981). Una de les nueves voces de la narrativa asturiana. Especializada en lliteratura infantil, con “La caxa de cristal” ganó’l Concursu de Llectures pa Rapazos de l’Academia de la Llingua en 2004.

Llogró tamién el primer premiu del Concursu de Cuentos Curtios de la Tertulia Cultural ‘El Garrapiellu’ en 2005 cola obra ‘Sedna’. Suya ye la novela La neña de les trences al revés (Ediciones Trabe, 2006). Tamien collaboró nel volumen Asturies Cuenta de la editorial Suburbia.