El Parllamentu vascu declara'l 25 d'ochobre Día del País Vascu

El Parlamentu vascu aprobó la declaración del 25 d'ochobre, fecha del aniversariu de l'aprobación del Estatu de Gernika, como Día del País Vascu, col apoyu de PSE, PP y UPyD.

La midida cuntó col refugu del PNV, Aralar, EA y EB. Na iniciativa, alcuérdase que'l 25 d'ochobre tendrá carácter de fiesta oficial na comunidá autónoma.
  
Nel testu, que consta de dos puntos, declárase'l 25 d'ochobre como 'Día del País Vascu-Euskadi Eguna'. D'esta manera, quier conmemorase l'Estatutu d'Autonomía de Gernika, aprobáu en referendu'l 25 d'ochobre de 1979 con una participación cercana al 60 por cientu del censu y más d'un 90 por cientu de votos afirmativos. A favor del 'sí' naquella consulta posicionáronse'l PNV, PSE y UCE, Euzkadiko Ezkerra y el Partíu Comunista, mientres qu'Alianza Popular defendió'l 'non' y Herri Batasuna, l'astención.
  
El dictame aprobáu establez qu'establez qu'esta fecha tenga carácter de "fiesta oficial a tolos efeutos, incluyíos los llaborales, na comunidá autónoma". De la mesma manera, establezse que'l Gobiernu vascu "adoptará los alcuerdos necesarios pa la celebración añal de dicha festividá y programará los actos institucionales a desarrollar con tal motivu".
  
El parllamentariu del PSE Jesús Eguiguren manifestó la so satisfacción pola adopción del alcuerdu, anque reconoció que "nun ye lo meyor aprobalo col apoyu de la metá de la Cámara". Al respeuto, defendió que'l testu podría aprobase por tola Cámara, y consideró que'l problema tuvo en que "nel debate fuimos a lo pequeño, olvidando que la clave ta nel 25 d'ochobre y les razones históriques de la fecha". "El 25 d'ochobre ye la única fecha qu'unió a los vascos mientres cientos d'años", repitió.
  
Nesti sen, recordó que'l 25 d'ochobre de 1839 aprobóse la Llei Confirmatoria de los Fueros y que la historia vasca ta llena d'acuerdos d'Ayuntamientos y diputaciones reclamando la derogación d'esta llei que, posteriormente, faise cola aprobación del Estatutu d'Autonomía esi mesmu día. "Si mos paráremos a pensar, esta fecha yera perfeuta pa celebrar la recuperación de les llibertaes vasques", defendió. Sicasí, manifestó la so satisfacción pol dictame aprobáu.
  
El parllamentariu del PP, Leopoldo Barreda, insistió en que'l votu afirmativu a la iniciativa respuende a dar "puxu a la fecha y a prestixar de manera oficial l'actu más importante de la nuestra historia". Según detectó, l'Estatutu ye "el nuestru pautu básicu de convivencia, l'alcuerdu más importante algamáu ente los vascos, al menos nel últimu sieglu y mediu, pero tamién un pautu ente los vascos y el restu de los españoles".
  
De la mesma manera, defendió que "nun hai qu'olvidar la nuesa propia historia", y apostó por "ponela en valor". A lo último, esclaró que "nun ye una fiesta que s'oponga a otra", sinón que "pon en valor", una fecha na que "la primer vez na historia, alaveses, guipuzcoanos y vizcaínos compartimos una organización institucional que fizo posible'l desarrollu de l'autonomía vasca".

El parllamentariu del PNV Joseba Egibar, refugó'l dictame y consideró "un auténticu sarcasmu que'l PP, la continuación de la estinta Alianza Popular, que pidió a los vascos que votaren 'non' al Estatutu, agora súmense al consensu estatutariu porque l'Estatutu ta degradáu y perdió la so función y potencialidá".
  
De la mesma manera, criticó la unión del PP y de los socialistes que "siempre entendieron, como declaró l'exconseyeru del PSE José Ramón Rekalde nel 2006, que l'Estatutu d'Autonomía y les lleis que desarrollaron, supunxeron una concesión de los non nacionalistes al envís de la concordia".
  
Egibar denunció qu'incluyir la fecha dientro del calendariu llaboral revela que "hai una intención política pa dicir a esta parte del pueblu vascu, les tres cuartes partes de la ciudadanía vasca, que'l pueblu vascu, que la so acta fundación acabóse col Estatutu".
  
Pal parllamentariu jeltzale, esti dictame "certifica'l nacimientu d'Euskadi, contiénlo nun Estatutu incumplíu y amás festéxalo, como si la historia del pueblu vascu se pudiere contener nun decretu". "Resulta un sarcasmu que, amás de ser un Estatutu incumplíu y al que se combatió, seya un día de celebración", insistió.
  
Dende Aralar, Mikel Basabe, resaltó que con esti asuntu la Cámara tuvo dividida en dos partes pol establecimientu d'una fiesta, criticó la denominación de la festividá como 'Euskadi Eguna' y reivindicó que'l Día del País Vascu ye la viéspera de Santa Águeda.  
  
El Parllamentariu EA, Jesús Mari Larrazábal, esplicó que nun pudo llegar a la votación pero esclaró que'l so votu diba ser negativu, mientres que'l parlamentariu d'EB, Mikel Arana, refugó'l dictame al considerar que la iniciativa "nun buscaba'l consensu" polo que "se perdió una nueva oportunidá pa xenerar consensu nesta Cámara".