Batasuna reunióse col PNV y aseguró la so apuesta pola política

 Batasuna reunióse'l pasáu 18 de marzu col PNV, a instancies de la formación de la esquierda abertzale y n'ella aseguró-y la so apuesta poles víes polítiques.

Según el voceru parllamentariu del PNV, Joseba Egibar, dixeron que daríen respuesta "inequívoca" a "una acción armada" per parte d'ETA. Nuna entrevista concedida a Onda Vasca, recoyida por Europa Press, el tamién presidente del GBB manifestó que l'alcuentru inscribióse en "esi momentu nel que Batasuna da por acabáu'l so procesu de reflexón-debate, del que tanto se faló y especuló".
 
D'esta manera, tresmitiron a la formación 'jeltzale', "de primer mano, les conclusiones y el so análisis del contestu politicu y perspectives de futuru". "Foi un primer alcuentru dempués de munchu tiempu sin caltener nengún contactu", sorrayó Egibar.
  
El dirixente 'jeltzale', dixo que los representantes de la esquierda abertzale afirmaron qu'acabaron "el procesu de reflexón-debate", y la respuesta foi afirmativa cuando-yos entrugaron si lo que se cuestionara yera "la prevalencia o vixencia de la estratexa político-militar", y si la conclusión yera "l'apuesta inequívoca pola estratexa de víes polítiques-democrátiques y pacífiques".
  
Énte la entruga de "qué diz de too esto ETA", Egibar dixo qu'eso "nun tenía, olo menos respuest anaquel momentu", pero que Batasuna aseguró que "la so decisión yera inequívoca y inaplazable".
  
El tercer plantegamientu que se-y realizó pol PNV ye si diba haber una posición "bastante, determinante" de Batasuna ante cualquier "acción armada", y la respuesta foi tamién que "sí". Sicasí, Batasuna precisó que "igual los ritmos d'adecuación d'esa estratexa defintivamente política, democrática y per víes pacífiques nun siguía los ritmos que petaren al restu de formaciones polítiques o en concreto al PNV".
  
Sicasí, Joseba Egibar dixo que "nun yera tanto" un problema de la direición "como de velocidá". "Entós, si tamos apuntando bien na dirección, la velocidá pue ser circunstancial o tanxencial", manifestó.
  
El representante del PNV recordó que los que tuvieron en meses nacionales de Batasuna, como Arnaldo Otegi y otros, "tiene tovía pendientes munchos sumarios". "Yo pienso qu'ehí sí tán güerfanos no que se refier a lideralgu políticu. Digo lideralgu, non tanto como conxuntu, como grupu de persones coles que visualizar un proyectu políticu, porque un comunicáu aguanta lo qu'aguanta y ye negro sobre blanco, pero eso tien que visualizalo alguién, y lo tien que caracterizar dalguién", dixo.