Zalia ufre diez horros y paneres por concursu

ZALIA ufre la oportunidá a persones físiques y xurídiques d'adquirir 10 horros y paneras de la so propiedá al traviés d'un concursu al que puen presentase solicitúes hasta'l 28 de mayu.

Esta actuación de la Sociedá Zona d'Actividaes Loxístiques ya Industriales d'Asturies, realízase, según el Principáu, cola fin de caltener estes singulares pieces del patrimoniu etnográficu y al tar próximu l'entamu de les obres d'urbanización de la Fase ún.

El preciu de los llotes ufiertaos va dende los 2.000 a los 5.500 euros y establecióse teniendo en cuenta, ente otros criterios, el valor etnográficu y l'estáu de caltenimientu de los horros y paneras.

Tola información d'esti concursu ta disponible n'Internet en www.zalia.es. Los interesaos en dalgún de los llotes van atopar el modelo de solicitú nel Perfil del Contratante, que va poder apurrise direutamente nes oficines de ZALIA, o per corréu.

La documentación contempla que tolos interesaos tienen de tramitar una solicitú de reubicación del horru o panera ante la Direición Xeneral de Patrimoniu Cultural, pa validales de conformidá colos criterios establecíos pal treslláu d'horros y paneras, destacando ente estos la obligatoriedad de la vinculación del horru o panera a una vivienda na parcela de destín, pa lo cual les solicitúes tendrán d'apurrise con fotografíes qu'acrediten esta circunstancia ensin prexuiciu d'otros documentos.
 
ZALIA nun va almitir más qu'una sola solicitú por cada horru o panera de cada interesáu, y van quedar invalidaes les que nun cumplan esti requisitu.

Tres el zarru del plazu pa la presentación de solicitúes, si esistiera más d'una solicitú por llote, Zalia va sortear énte notariu'l llote o llotes correspondientes, teniendo preferencia aquellos que’l so destín seya Xixón, con cuenta de non desnaturalizar el patrimoniu etnográficu del conceyu.