La XDLA recordó los 30 años d'enseñu del asturianu nes escueles con un actu en Xixón

El Colexu Públicu Evaristo Valle acoyó na mañana del martes un actu d'alcordanza polos 30 años d'introducción de la materia de Llingua Asturiana nel enseñu. Esta iniciativa, entamada pola Xunta pola Defensa de la Llingua Asturiana (XDLA), dividióse en trés partes, siendo la primera una mesa redonda con profesores de los primeros centros pilotu y ex escolinos. Darréu plantóse un texu y descubrióse una placa nel centru escolar, pa finar con una llectura de poemes por parte d'alumnos y alumnes de Llingua Asturiana d'esti colexu xixonés.