La XDLA convoca una aición de protesta pa la tarde del xueves

Baxo la etiqueta #sosasturianlanguage, la Xunta pola Defensa de la Llingua Asturiana (XDLA) ta espardiendo una convocatoria urxente pa esta tarde, a les 16.30 hores, frente a la Xunta Xeneral. "Si los políticos y los medios del réxime planeen aniquilar la llingua asturiana del sistema educativu, la respuesta popular ye la solución. Nun podemos tolerar les noticies maniqueístes y tendencioses de los medios de (des)información. Nun podemos tolerar falta de respetu de los políticos pa con tolo que suene asturiano", apunten dende la organización cívica.