La Golpeya lleva'l I Premiu a la Meyor Primer Sidre l'Añu

El llagar sierense La Golpeya ganó'l concursu de la Meyor Primer Sidre l'Añu a los otros seis llagares que llegaron a la final: Piñera, Fran, La Morena, Canal, Pacho y Orizón. La sidrería xixonesa El Canigú foi l'escenariu nel que xuráu, tres dos rondes de preba, decidió la clasificación final, con apenes seis puntos de diferencia ente la primer y la última clasificada. La ventaya final foi d'un puntu con Orizón y Fran, lo qu'amuesa'l bon nivel de les sidres que pasaron el corte ente les 36 presentaes a concursu.

Inés Meana, de La Golpeya, mui contenta pol trunfu, señaló que “somos un llagar pequeñu qu'apuesta por una producción de calidá y agora tol nuesu esfueciu y trabayu vese reconocíu". Como premiu, La Golpeya conviértese na sidra oficial del V Primer Sidre l'Añu que va tener llugar nel Muséu del Pueblu d'Asturies del xueves al domingu.