XXXVI Día de les Lletres Asturianes

El 8 de mayu del 2015 celebróse'l XXXVI Día de les Lletres Asturianes. Alredor de 3.000 persones participaron na manifestación 'L'asturianu, llingua oficial' convocada pola Xunta pola Defensa de la Llingua Asturiana (XDLA), con salida de la Estación del Norte d'Uviéu y final nel Teatru Campoamor, onde se desendolcó l'actu de l'Academia de la Llingua Asturiana. Precisamente, la XDLA protagonizó l'actu al reconoce-y la institución académica los sos 30 años de llucha pol idioma del país.