Manifestación pola oficialidá del 16 d'ochobre del 2021

Mentanto la Xunta Xeneral acueye les negociaciones pa la reforma del Estatutu d'Autonomía, cola inclusión na norma de la oficialidá del asturianu y del gallego-asturiano a propuesta del Gobiernu, miles de persones salieron a la cai n'Uviéu'l 16 d'ochobre pa reclamar los derechos de los falantes de les llingües propies d'Asturies convocaes pola Xunta pola Defensa de la Llingua Asturiana (XDLA). Convirtióse nuna de les mayores movilizaciones del movimientu de reivindicación llingüística.