Gala d'entrega de los Premios Lliterarios 2016

El paraninfu de la Universidá d'Uviéu acoyó' 22 d'avientu la gala d'entrega de los Premios Lliterarios 2016. L'actu tuvo presidíu por Santiago García Granda (rector de la Universidá d'Uviéu), Genaro Alonso (conseyeru d'Ecucación y Cultura), Cristina Valdés (direutora xeneral d'Universidaes y Investigación) y Fernando Padilla,(direutor xeneral de Planificación Llingüística y Normalización). 

Los premiaos del 2016 son Xulio Arbésú, con 'El valor del rei' (XXXVII Premiu Xosefa Xovellanos de novela); Ángeles Carbajal, con 'Un vasu d'agua' (XXII Premiu Xuan María Acebal de poesía); Vanessa Gutiérrez, con 'El paisaxe nuestru' (XXII Premiu Máximo Fuertes Acevedo d’ensayu); Adolfo Camilo Díaz, con 'La mar' (IX Premiu María Xosefa Canellada de lliteratura infantil y xuvenil): y Luis Navazo, con 'Indianu' (VIII Premiu Alfonso Iglesias de cómic con ‘Indianu’). Toos ellos recibieron un 'Árbol de les lletres', una pieza artística esclusiva de l'artista Charo Cimas.

La nota musical del actu púnxola Tuenda, el tríu formau por por Xosé Antón Fernández 'Ambás', Elías García y Pepín de Muñalén, qu'interpretó delles pieces.