Día de la Nación Asturiana 2014: 'Pa tresformar Asturies: #Lluchando Pola Soberanía’

La izquierda soberanista entamó pa esti 8 de setiembre una manifestación conxunta per Uviéu baxo'l lema 'Pa tresformar Asturies: #LluchandoPolaSoberanía’ , a lo que siguió una xinta popular na plaza'l Paragües. L'Espaciu La Llegra coordinó esta iniciativa al traviés de la celebración d'asamblees abiertes a coleutivos y independientes. Sofitaron esta convocatoria Compromisu por Asturies, Conceyu Abiertu, Andecha Astur, Iniciativa Comunista d'Asturies, Darréu, Asamblea de Para@s y Precari@s d’Asturies, Comité Asturianu de Solidaridá cola Ucrania Antifacista, Corriente Sindical d’Izquierda (CSI), Xunta Estudiantil Asturiana, Plataforma Feminista d'Asturies y les Asamblees de Trabayadores en Llucha, representada polos trabayadores del Mataderu Central.