Xente del Po

Begoña Zubero (Bilbao, 1962) formóse como fotógrafa en Madrid y Nueva York. Dende los sos primeros proyectos desenvolvió una fotografía de tesis d'impecable factura técnica, formal y estética, na que la documentación ya investigación dexáron-y ellaborar unes imaxes de gran caláu intelectual.


Los sos postreros cuatro años de residencia n'Italia tuvieron como resultáu la serie qu'agora se presenta sol suxerente títulu Xente del Po. Esti proyectu surdió tres el descubrimientu de la faceta de Michelangelo Antonioni como fotógrafu gracies a les imaxes qu'acompañen al so artículu Per un filme sul fiume Po, publicáu en 1939 na mítica revista Cinema. Nél preguntaba si la manera de tornar a la topografía física y humana del ríu que perteneciera al paisaxe de la so mocedá tenía de ser al traviés del documental o la ficción. Zubero retoma esta idea por mediu d'un aproximamientu fotográficu a los espacios esquizaos por Antonioni, lo que dio como resultáu un complexu universu visual nel que'l paisaxe cobra protagonismu al traviés de la fotografía, escultura, video ya instalación.
Hora: