Dende la so apertura nel 1951 hasta la edición pasada, España participó en práuticamente toles citas de la Biañal de São Paulo. Creada por iniciativa de Francisco Matarazzo y inspirada na de Venèsia, la Bieñal paulista convirtióse pronto nún de los grandes acontecimientos nel ámbitu internacional.
Dende'l 1957 y por mor del so ésitu rotundu, la so celebración traslladóse al Palacio das Indústrias del Parque de Ibirapuera, un edificiu proyeutáu por Oscar Niemeyer, onde güei permanez. Percorrer la representación española de les distintes ediciones de la Biañal permite conocer la evolución artística d'España de les décades últimes.
Na dictadura franquista'l pabellón español convirtióse nun instrumentu de propaganda inmeyorable magar la crítica hacia'l réxime que munches obres conteníen. Cola Transición y la llegada de la Democracia, la representación española abrióse a les tendencies artístiques más novedoses.
España obtuvo reconocimientos en toles categoríes internacionales de la Biañal, dende'l Gran Premio de Rafael Canogar, a los d'Oteiza, Cuixart, Olmos, Ponç, Berrocal, Villalba y Verdes. Esta esposición rastra la participación española na Biañal, amosando les obras que concurrieron al certame y que, en dalgunos casos, nunca enantes s'exhibieron nel Estáu.
Hora: de miércoles a domingu, de 11 a 14 y de 16 a 19h
Preciu: 4 € (l'accesu ye de baldre na hora última de la tarde previa retirada d'entrada en receición)
La coordinadora de 'Xosé Bolado. Fálame Duce' y 'Palabres blanques. Testos d’Historia y Crítica lliteraria (Esbilla)', publicaciones asoleyaes con motivu de la XLIV Selmana de les Lletres Asturianes, fala de les mesmes y sobre la figura de Xosé Bolado, poeta y críticu lliterariu al que se-y dedica esta edición de la gran celebración de la nuesa lliteratura.
