Voces. La llingua n'Asturies al traviés de los sieglos

La esposición itinerante Voces. La llingua n’Asturies al traviés de los sieglos quier sacar a la lluz la interesante y llarga trayectoria d’una llingua con máis de mil años d’historia, percorriendo toles sos etapes y analizando les cuestiones qu’en cada sector marcaron el so pasáu y presente y proyecten el so futuru nel sieglu XXI.


El coordinador científicu d’ella, Xulio Viejo, refirióse a la novedá que supón por tratase del primer rellatu ilustráu y global de la historia de la llingua asturiana, destacando que 'l’asturianu ye una parte del llinguaxe del mundu', porque nel so percorríu ufiértase la posibilidá d’acceder a los sos conteníos, amás de n’asturianu, en castellanu y inglés al traviés de códigos QR, amás d’al catálogu xeneral de la esposición.
Hora: