VII Alcuentros de Músiques Asturianes: Mapi Quintana y Elías García

Mapi Quintana (voz y contrabaxu) y Elías García (bouzouki) estructuren ya igüen un repertoriu nuevu demientres el branu de 2012, basáu nuna esbilla de cantares tradicionales del conceyu de L.lena, recoyíos con munchu procuru y munchu amor p’hacia’l nuestru patrimoniu inmaterial por Xose Ambás y Ramsés Ilesies. Mapi y Elías proponen un contestu estéticu distintu pa estes melodíes, al traviés de progresiones armóniques heredaes de la música europea del sieglu xx y del jazz, la improvisación y el scat vocal.
Hora: 19:30h