Todos los gobiernos mienten

Dirección: Fred Peabody.

Nacionalidá: Canadá (@2015)

Duración: 90 minutos

VO n'inglés subtitulada en castellán

Nos años 60, la columna selmanal del periodista norteamericanu I.F. Stone marcó una dómina esmazcarando la corrupción y les mentires del gobiernu con una información veraz, oldeada ya independiente.


Nos tiempos actuales, onde la mayor parte de los medios de comunicación formen parte de grandes imperios mediáticos sometíos a los intereses del gobiernu y les corporaciones, la reivindicación de la figura d'I.F. Stone ye más necesaria que nunca.


Los protagonistes de la película, una nueva fola de periodistes d'investigación de medios independientes de los Estaos Xuníos, recuperen el so legáu y dan la cara pa defender el derechu de los ciudadanos a aportar a una información llibre d'interferencies, oldeada y honesta.


Tolos gobiernos mienten pon cara y da voz a los nomes qu'hai detrás de temes tan espinoses como'l casu Snowden, les fueses comunes na frontera con México o la violación del derechu a la intimidá de los ciudadanos. Glenn Greenwald, Jeremy Scahill, Amy Goodman y Michael Moore, ente otros, ufierten el so testimoniu nun documental producíu por Oliver Stone.


Fred Peabody ye director y periodista ganador d'un premiu Emmy en 1989 por una de les sos películes pa televisión. Mientres siete años foi director del aclamáu programa d'investigación The Fifth Estate pa la CBC, la televisión pública canadiense. En 2003 foi productor del documental Perfect Illusions, sobre los trestornos alimenticios ente los mozos y emitíu pola PBS.
Hora: 19:30h.